MAABARA SABA ZA UCHUNGUZI WA MAGONJWA YA BINADAMU MKOANI IRINGA ZAFUNGIWA.

Na Mwandishi Wetu, Iringa.

BODI ya Usajili na Usimamizi wa Maabara Nchini imezifungia maabara saba za uchunguzi wa magonjwa ya binadamu zilizopo katika Halmashauri mbalimbali mkoani Iringa kwa kukiuka taratibu za uendeshaji huduma hizo ikiwamo kutumia wataalamu wasio na sifa jambo linalokiuka sheria namba 10 ya uanzishwaji na uendeshaji wa maabara ya mwaka 1997.

Akizungumza mjini Iringa jana Kaimu Mkaguzi wa Bodi hiyo, Ednanth Gareba alisema bodi hiyo imekagua maabara zaidi ya 40 na kubaini mapungufu makubwa kwenye maabara hizo ambapo asilimia 50 ya maabara zilizokaguliwa  zilikuwa hazijakidhi vigezo vya kutoa huduma hiyo.

Gareba alisema kuwa wao kama serikali wanachohitaji ni huduma bora kwa watanzania wote na sio huduma, wanavyofungia maabara hizo wameona hakuna namna nyingine ya kufanya tofauti na kufunga kwa sababu hawana watalamu.

Naye Ofisa Utawala Kituo cha Afya Nyololo, Diana Yesaya ,alisema baadhi ya wamiliki na wasimamizi wa vituo vya afya na maabara wanashindwa kukamilisha ushajili kutokana na  gharama kubwa ya ukamilishaji taratibu za usajili wa maabara pamoja na wahudumu wake ni moja ya sababu ya baadhi ya wamiliki kushindwa kufuata taratibu.

Hata hivyo, wameiomba bodi hiyo kuwatazama wananchi wenye mahitaji ya huduma hizo.

Kwa upande wake,  Mratibu na Msimamizi wa Maabara Mkoa wa Iringa Frank Mugoba, alisema serikali inatambua umuhimu wa maabara hizo hasa zile zinazotoa huduma katika maeneo ya vijijini lakini ukiukwaji wa taratibu ikiwamo kuajiri wahudumu wasio na ujuzi hitajika si suala la kufumbiwa macho.


Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more