VICTOR MUNENI, MWENYEKITI ALIYEDHUBUTU KUWAJENGEA OFISI MTAA WA SEA VIEW.

Na Enles Mbegalo

MWENYEKITI wa Serikali ya Mtaa Sea View, Victor Muneni, ameelezea jinsi alivyofanikiwa kujenga ofisi ya mtaa wake, ambapo awali hakukuwa na ofisi kwenye mtaa huo tangu kuanzishwa kwa serikali za mitaa.

Akizungumza na mwandishi wa blog hii leo jijini Dar es Salaam katika ofisi hiyo mpya, ambayo inatarajiwa kukamilika mwezi ujao, Muneni alisema mtaa huo haukuwa na ofisi na alikuwa analazimika kuwafuata wananchi nyumbani kwaajili ya kutoa huduma.

Pia,  alisema alikuwa analazimika kutembea na mihuri kwenye mfuko ili wananchi watakapo mpigia simu na kuhitaji huduma kwenda moja kwa moja na sio kurudi nyumbani tena kwaajili ya kufuata mihuri hiyo.

 Aliongeza kuwa alilazimika  kutumia group la WhatsApp pamoja na vipeperushi  kwaajili ya kutoa taarifa za  shughuri za maendeleo ya mtaa.

“Mtaa wangu ulikuwa hauna ofisi, ila nashukuru Mungu nimeweza kupambana na kufanikiwa kujenga ofisi hii ambayo tunatarajia ikikamilika ianze kutumika mwezi wa sita,”alisema Muneni na kuongeza kuwa.

“Nilikuwa nalazimika kuwafuata wananchi nyumbani kwaajili ya kutoa huduma na  muda wote nilikuwa na tembea na mihuri kwenye mfuko  wangu wa suruali kwaajili ya kutoa huduma kwa wananchi,”

Muneni alisema ofisi hiyo ni ya kwanza tangu zilipoanzishwa serikali za mitaa, kwani mtaa wao haukuwahi kuwa na ofisi.

Alisema baada ya kuona ugumu wa kufanya kazi bila kuwa na ofisi ya mtaa alilazimika kuwafuata Shirika la Nyumba(NHC), Bank M, Hospitali ya Aga khan na wananchi na kuwaeleza shida ya mtaa wao  wa kutokuwa na ofisi.

“Nashukuru Mungu  nilipowaeleza walinielewa na walionyesha ushirikiano na hadi tumeweza kujenga ofisi hii ambayo ndio ya kwanza kwenye mtaa wetu tangu zilipoanzishwa ofisi za serikali za mitaa,”alisema

Pia Mwenyekiti huyo aliwashukuru sana wananchi wa mtaa wake pamoja na wadau mbalimbali waliojitokeza kuchangia ujenzi wa ofisi hiyo.

Muneni alisema licha ya kujenga ofisi hiyo ana mipango mbalimbali kwaajili ya kuboresha mtaa wake, ikiwa ni pamoja na kuboresha bustani kwenye barabara, ili kupendezesha madhari na kutunza mazingira.

“Nimeshaanza kuboresha bustani kwenye barabara ya Obama, kupanda miti katika barabara ya Ally Hassan Mwinyi, Mtaa wa Luhinda pamoja na kuweka taa barabara ya Sea View,”alisema  na kuongeza


“Mipango mingine ambayo tumeshaaza kutekeleza ni pamoja na kutengeneza bustani, kupanda miti na maua, kupanda majani, kuweka taa kwenye barabara za mitaa ili kuimarisha usalama zaidi, kuboresha Shule ya Msingi Bunge pamoja na kuweka njia kwa waenda kwa miguu,”


 Hii ni Ofisi Mpya ya Serikali ya Mtaa  wa Sea View ambayo imejengwa kwa juhudu za Mwenyekiti wa Mtaa huo, Victor Muneni, kwa kushirikiana na wananchi wa mtaa huo na wadau mbalimbali na ikumbukwe kuwa mtaa huo haujawahi kuwa na ofisi ya mtaa tangu kuanzishwa kwa serikali ya mtaa huo.

 Mwenyekiti wa Serikali ya Mtaa wa Sea View, Victor Muneni akiwa na Mjumbe wa ofisi hiyo, anayefahamika kwa jina la Mama Mussa, wakiwa wamesimama kwenye bango la ofisi yao leo.

 Mwenyekiti wa Serikali ya Mtaa wa Sea View akizungumza jambo na Mjumbe wa ofisi hiyo Mama Mussa leo, wakati walipokuwa wakizungumzia juhudi zao za kufanikisha ujenzi wa ofisi hiyo mpya ambayo, ipo kwenye hatua za mwisho kukamilika.

 
 Hii ni sehemu ambayo itatumika kwaajili ya mikutano katika ofisi hiyo.

 Mwenyekiti, Muneni akimuonyesha mwandishi wa blog hii, moja ya kiti kitakachotumika kwaajili ya watu wenye ulemavu.

 Mjumbe wa Ofisi ya Serikali ya Mtaa wa Sea View, Mama Mussa akionyesha sehemu ambayo itatumika kwaajili ya kubandika matangazo mbalimbali.

 
 Hii ni Sehemu ambayo itatumiwa na Mwenyekiti wa Mtaa huo kwaajili ya kufanya shughuri zake za kiofisi.

Hii ni sehemu ambayo itatumiwa na Afisa Mtendaji kwaajili ya kufanya shughuri zake za kiofisi.

(PICHA ZOTE NA MAISHA NI HABARI BLOG).

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more