KUMBILAMOTO AWATAKA MADIWANI NA WENYEVITI KUFANYA KAZI KWA BIDII.

 Na Mwandishi wetu, Dar es Salaam.

NAIBU Meya wa Manispaa ya Ilala ambae pia ni Diwani wa kata ya Vingunguti Omar Kumbilamoto amewataka Madiwani na wenyeviti wa Serikali za mitaa (CUF) kufanya kazi kwa bidii na kutoyumbishwa na mgogoro uliopo ndani ya chama hicho ili kuleta maendeleo kwa wananchi wao.

Pia amesema mgogoro huo ni mdogo sana ndani ya chama hivyo,ni vyema kuelekeza juhudi zao katika kuwasaidia wananchi kuwatatulia changamoto zao  ambazo wamekua wakikabiliana ndani ya jamii.

Rai hiyo aliitoa jijini Dar es Salaam leo, wakati alipokua akitoa msaada kwa wananchi wa kata hiyo ikiwemo mashine ya kuoshea gari pamoja na jezi za michezo wenye thamani ya sh.mill.1.2 lengo ikiwa lengo ni kuleta mabadiliko ya haraka kwa wananchi hao.

Kumbilamoto alisema,licha ya mafanikio yaliopatikana kwa kipindi kifupi lakini pia wanakabiliwa na changamoto ya bati zaidi ya 1300 kwa ajili ya kuezekea shule zote zilizopo katika kata hiyo ambapo amemuomba Waziri wa nchi Ofisi ya Rais Tawala za Mikoa na Serikali (TAMISEMI) Goerge Simbachawene kuwatafutia wadau wa kuweza kuwasaidia

"Tatizo la uchakavu wa majengo ndani ya kata yangu imekua ni tatizo kubwa hususani kipindi hichi cha mvua kwani wanafunzi hulazimika kuhamishiwa madarasa , na ukiangalia pesa za kodi ya majengo ambazo tunazipata sisi kama Manispaa ni kidogo zote zinaenda Serikali kuu"alisema Kumbilamoto.

Aidha aliongeza kuwa,kwa upande wa ukarabati wa  barabara ya Mnyamani Vingunguti iliopo Manispaa ya Ilala, suala hilo lipo katika hatua ya mwisho kwani wanasubiri idhini ya mkuu wa mkoa kuweza kuruhusiwa mkandarasi kuanza kazi mara moja.


"Sisi kama Manispaa ya Ilala tuna uwezo wa kumruhusu mkandarasi huyu lakini awali mkuu wa mkoa aliwafungia wakandarasi watatu kutokujenga barabara yoyote ndani ya mkoa wake ambapo na huyu ni miongoni mwa waliofungiwa,"alisema Kumbilamoto.
 NAIBU Meya wa Manispaa ya Ilala ambae pia ni Diwani wa kata ya Vingunguti Omar Kumbilamoto, akishirikiana na baadhi ya viongozi wa chama akikabidhi mashine ya maji kwa vijana wa kata ya Vingunguti.
 Baadhi ya wananchi ambao walihudhuria kwenye hafla hiyo leo jijini Dar es Salaam.


Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more