NBS, MFUMUKO WA BEI WA MWEZI HUU HAUJAONGEZEKA.

Na Enles Mbegalo

MFUMUKO wa bei wa Taifa wa mwezi Aprili 2017  umebakia kuwa asilimia 6.4 kama ilivyokuwa mwezi Machi 2017.

Akizungumza na waandishi wa habari leo, Mkurugenzi wa Takwimu za Jamii na Sensa ya Watu na Makazi wa Ofisi ya Taifa ya Takwimu (NBS), Ephraim Kwesigabo, alisema  inamaanisha  kasi ya upandaji  ilivyokuwa kwa mwaka ulioisha mwezi Machi 2017 imekuwa sawa.

Pia alisema fahirisi za bei zimeongezeka hadi 109.4 mwezi Aprili 2017 kutoka 102.46 mwezi Aprili 2017.

Kwesigabo aliongeza kuwa,mfumuko wa bei wa bidhaa za vyakula nyumbani na migahawani kwa mwezi Aprili 2017 umeongezeka hadi asilimia 11.8 kutoka asilimia 11.0 ilivyokuwa mwezi Marchi 2017.

 “Mfumuko wa bei wa Taifa wa mwezi Aprili 2017 umebakia kuwa asilimia 6.4 kama ilivyokuwa mwezi uliopita  na  hii inamaanisha kuwa, kasi ya upandaji wa bei za bidhaa za mwezi huu na mwezi ulioisha zilikuwa sawa,”alisema Kwesigabo

Alifafanua kuwa,mfumuko wa bei wa mwezi Aprili 2017 unaopimwa kwa mwezi umeongezeka kwa asilimia 0.5 ikilinganishwa na ongezeko la asilimia 1.4 ilivyokuwa mwezi Machi 2017.

“Fahirisi za bei zimeongezeka hadi 109.04 mwezi Aprili 2017 kutoka 108.44 mwezi Machi 2017 kuongezeka kwa fahirisi hizo kumechangia kuongezeka kwa bei za baadhi ya vyakula,”alisema

Alisema baadhi ya bidhaa za vyakula zilizochangia kuongezeka kwa fahirisi ni pamoja na mahindi kwa asilimia 4.8, unga wa mahindi kwa asilimia 7.1, choroko kwa asilimia 6.5, viazi mviringo kwa asilimia 4.0, nyanya kwa asilimia 7.8, nazi 6.9, mihogo 5.9 na vitunguu 3.5.

Akizungumzia thamani ya shilingi ya Tanzania  alisema uwezo wa sh.100 katika kununua bidhaa na huduma umefikia sh.91 na senti 71 mwezi Aprili 2017 ikilinganishwa na sh. 92 na seti 21 kwa mwezi Machi mwaka huu.
Baadhi ya waandishi wa habari waliohudhuria mkutano huo uliofanyika katika ukumbi wa Ofisi za Takwimu jijini Dar es Salaam leo.

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more