BALOZI SEIF MGENI RASMI KILELE CHA UHURU WA VYOMBO VYA HABARI DUNIANI.


Na Mwinyimvua Nzukwi. 

MAKAMU wa Pili wa Rais wa Zanzibar, Balozi Seif Ali Idi,  kesho  Mei 3, 2017 anatarajiwa kuwa mgeni rasmi katika kilele cha maadhimisho ya uhuru wa vyombo vya habari duniani yatakayofanyika katika ukumbi wa mikutano wa Chuo cha uandishi wa habari Zanzibar Kilimani.

 Kwa mujibu wa taarifa iliyotolewa na Mwenyekiti wa kamati ya maandalizi ya maadhimisho hayo Shifaa Saidi Hassan kwa vyombo vya habari, imesema maadhimisho ya mwaka huu yameandaliwa kwa pamoja na taasisi nne za habari kwa lengo la kuimarisha umoja miongoni mwao na kutilia mkazo ujumbe wa mwaka huu uliotolewa na umoja wa mataifa.

Shifaa alizitaja baadhi ya shughuli zitakazofanyika wakati wa maadhimisho hayo kuwa pamoja na hutuba ya mgeni rasmi, pia mada mbali mbali zitawasilishwa na kujadiliwa na washiriki wa kongamano hilo. 

Alisema  ili wadau wa sekta hiyo waweze kutathmini utendaji wa vyombo vya habari, mafanikio yaliyopatikana na changamoto zinazoikabili tasnia ya habari nchini.

  “Katika maadhimisho ya mwaka huu, sisi (Baraza la Habari Tanzania – MCT), Klabu ya Waandishi wa Habari Zanzibar, Chuo cha Uandishi wa Habari Zanzibar na TAMWA (Chama cha Wanahabari Wanawake Tanzania) tumeamua kuiadhimisha pamoja kwa lengo la kuipa nguvu lakini pia kukuza mashirikiano kati yetu kama inavyohimizwa na ujumbe wa mwaka huu”, alisema Shifaa ambae pia ni Ofisa Mwandamizi wa MCT ofisi ya Zanzibar.

 Ofisa huyo aliitaja kauli mbiu ya siku hiyo kuwa ni umakini wa fikra, kwa wakati muhimu; nafasi ya vyombo vya habari katika kuendeleza amani, haki na ujumuishwaji inawakumbusha wanahabari na wadau wa sekta hiyo kuzingatia maadili na misingi ya taaluma yao katika utendaji wa kazi zao.

Siku ya uhuru wa habari ulimwenguni huadhimimishwa kila ifikapo Mei 3 kila mwaka kwa lengo la kuongeza uelewa na umuhimu wa uhuru wa vyombo vya habari kwa jamii na kuzikumbusha serikali za mataifa wananchama wa umoja wa mataifa wajibu wa kuheshimu, kustawisha na kutekeleza haki ya uhuru wa kujieleza katika mataifa yao. 

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more