MSAMBATAVANGU AACHIWA BAADA YA KUSOTA RUMANDE KWA SIKU SITA.


Na Mwandishi Wetu, Iringa.

SIKU   sita za aliyekuwa Mwenyekiti wa Chama cha Mapinduzi (CCM) Mkoa wa Iringa,  Jesca Msambatavangu kuonja kaa la moto baada ya jeshi la polisi mkoani hapa kumshikilia na kusota rumande  pasipo kupewa dhamana .

Hata hivyo baada ya kusota kituoni hapo hatimaye  Mahakama ya Hakimu Mkazi Mkoa wa Iringa imemuachia aliyekuwa mwenyekiti huyo   baada ya kukana shitaka linalomkabili.

Akisoma shauri hilo wakili wa serikali  Alex Mwita alisema mshitakiwa anashtakiwa kwa kosa la kumshambulia Neema Nyongole Februari 17 mwaka huu eneo la Kibwabwa m Manispaa ya Iringa  kinyume na kifungu cha sheria namba 240 cha mwaka 2002.

 Mwita alisema kuwa shauri hilo limefikishwa Mahakamani hapo kwa mara ya kwanza ili mshitaiwa aweze kujua shitaka lake na mara baada ya kusomewa shitaka hilo mshitakiwa  alikana kutenda kosa hilo .

Wakili Mwita alisema kuwa upelelezi wa shitaka hilo bado unaendelea huku upande wa utetezi ambao unaongozwa na mawakili wawili ambao Alfred Mwakingwe akisaidia na Jackson Chaula waliiomba Mahakama hiyo kumuachia kwa dhamana   kwa sababu kosa linalomkabili mtuhumiwa linaruhusu kupewa dhamana. 

 “Tunaomba mahakama yako tukufu impe dhamana mshtakiwa kwa sababu kosa lake linaruhusu kupewa dhamana kwa kuzingatia vigezo na mashariti”alisema Mwakingwe

Kwa upande wake hakimu mkazi mfawidhi wa mkoa wa Iringa  David Ngunyale alisema kuwa mshitakiwa anaweza kudhaminiwa na watu wawili ambao wanakidhi vigezo vinavyowekwa na mahakama  kwa kuweka bondi ya tsh Mil moja kwa kila mmoja pamoja na mali isiyoamishika.


 Hata hivyo mshitakiwa aliweza kuleta wadhamini wawili ambao ni Anna Mchami na Frank Andrea wote wakazi wa mkimbizi  Manispaa ya Iringa wakiwa na baerua ya utambulisho pamoja na hati za nyumba. 

 Hakimu Ngunyale alisema kuwa kwa kuwa mshitakiwa ameleta wadhamini wawili ambao wamesaini vilelelezo hivyo mahakama imeamuru kumuachia huru na shauri hilo litatajwa tena Juni 1 mwaka huu.

Hivi karibuni mwenyekiti huyo alifukuzwa uanachama akiwa ni miongoni mwa makada wa CCM ambao walifukuzwa uanachama na rais Dk.John Pombe Magufuli mjini Dodoma.

Wengine waliofukuzwa ni aliyekuwa mwenyekiti wa jumuiya ya wanawake wa CCM (UWT)  Sophia Simba na aliyekuwa mwenyekiti wa chama  hicho mkoa wa Dar Es salaam Ramadhani Madibida pamoja na wenyeviti wa mikoa mingine.



Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more