SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

 Na Mwandishi Wetu, Mafinga.

SERIKALI imerejesha kambi tano za JKT  zilizokuwa zimesitishwa mafunzo ya jeshi hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake.

Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.  

Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari wameshaanza kuchukua vijana na wanaendelea na mafunzo.

Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ya vikosi vya JKT na hatimaye kuwawezesha vijana wengi wa Tanzania wenye sifa za kujiunga na mafunzo hayo kwa kujitolea na pia kuchukua vijana wengi kwa mujibu wa sheria wanaomaliza kidato cha sita.

“Ninyi vijana mnaohitimu leo hii, mafunzo haya yasitumike kupiga raia wema ninyi ni sehemu ya jamii ni watoto wa wakulima na wafanyakazi wanaohitaji ulinzi kutokana kwenu shirikianeni na mamlaka husika kuwafichua waovu wasaliti na wale wote wasiotakia Nchi yetu amani na utulivu tuliyonayo.”alisema Kagombola.

Awali akisoma risala ya wahitimu hao Diana Jason Ngaiza alisema, wanakabiliwa na changamoto ya upungufu wa wakufunzi wa kada ya juu, ukosefu wa vifaa vya kuendeshea mafunzo hali ambayo imepelekea mafunzo kufanyika kwa shida.
Naye Mkuu wa Kikosi hicho, Luten Kanal Hamis Mahiga alisema  kwa kipindi kifupi walichokaa kikosini hapo wameweza kuwaachia vitu mbalimbali vya maendeleo ikiwamo mashine ya kusaga na kukoboa,bwala la samaki na jenereta vitu ambavyo miaka ya nyuma vilikuwa havipo.

Mahiga alisema lengo la kuwapa nyenzo tatu kwenye kiapo chao ikiwamo uadilifu,utii na uhodari ni kuwatengezea uwezo wa kwenda kubadilisha changamoto zilizopo kwenye jamii kuwa fursa pindi wanapohitimu mafunzo yao.
Kwa upande wake mgeni rasmi ambaye ni Mkuu wa wilaya ya Mufindi Jamhuri William alisema baadhi yao watapata nafasi ya idara mbalimbali za serikali katika utumishi wa umma huku akiwataka watumie nafasi hizo kwa kuzienzi kama tunu ili waweze kufanya kazi hizo kwa nidhamu ya hali ya juu.

Pia, William aliwaomba vijana ambao watarudi  uraiani  washiriki na wananchi wengine katika kuzalisha mali ikiwamo kilimo,ufugaji,viwanda,ujasirimali pamoja na kulinda taifa ili kuleta mapinduzi ya kiuchumi katika taifa hili.

Comments

Post a Comment

Popular posts from this blog

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more