DIWANI URIO AZINDUA KAMPENI MPYA YA WEZESHA MAMA NA MTOTO MPYA WA KUNDUCHI IKIWA NI MOJA YA AHADI ZAKE.

  Na Mwandishi Wetu, Dar es Salaam

Diwani wa Kata ya Kunduchi, Michael Urio amezindua kampeni ya Wezesha Mama na Mtoto Mpya wa Kunduchi kwaajili ya ujenzi wa wodi ya akina mama pamoja na chumba za upasuaji katika zahanati ya Mtongani na Ununio ili kupunguza vifo vya mama na mtoto.

Aidha Kampeni hiyo iliambatana na ufanyaji wa usafi  katika Zahanati ya Mtongani ili kuboresha mazingira ya zahanati hiyo.

Akizungumza kabla ya uzinduzi wa kampeni hiyo leo jijini Dar es Salaam, Urio alisema kampeni hiyo ni moja ya ahadi ambazo aliahidi wakati wa uchaguzi ambapo vipaumbele vyake vilikuwa sita ikiwamo  kuboreshaji mazingira ya Afya, elimu.

Vipaumbele vingine mazingira ambapo hadi sasa Kata hiyo inakitaru cha miti zaidi ya 6000, kuboresha uchumi wa wananchi, Soko la samaki la Kunduchi , sanaa na michezo na Utawala bora.

“Uzindunzi wa Kampeni hii ya Wezesha Mama na Mtoto Mpya wa Kunduchi ni moja ya utekelezaji wa  ahadi ambazo niliahidi wakati wa uchaguzi ,”alisema

Diwani Urio alisema uzinduzi wa kampeni hiyo utaendana na  uboreshaji wa viwanja vya wazi vya mipira,  Mashindano ya mpira Urio Cup, upandaji wa miti,   riadha pamoja  Msonge Mara Soni ambayo itazinduliwa siku za karibuni.

 Aliwaomba wadau mbalimbali kuunga mkono jitihada hizo kwa kuchangia ili aweze kutekeleza ujenzi  wa chumba cha upasuaji katika zahanati ya Mtongani na Ununio.

“Kupitia Kampeni hii nitahakikisha nasimamia vizuri na wadau wa makampuni, Taasisi za kifedha tunaomba mtupokee vizuri tutakapo kuja kwaajili ya kuwaomba  ili tuweze kufikia lengo la kupata sh. milioni 300 kwaajili ya kufikia lengo letu,”alisema

Alisema kupitia Halimashauri ya Manispaa ya Kinondoni wameweza kupatiwa zaidi ya sh.milioni 3 kwaajili ya kuboresha Zahanati ya Tegeta, sh. milioni 100 kwaajili ya kuboresha Soko la Tegeta Nyuki na sh. milioni 150 kwaajili ya kuboresha soko la samaki Kunduchi.

Naye, Mganga Mkuu wa Manispaa ya Kinondoni, Festo Dugange alisema  lengo la Serikali  kuboresha ni kuboresha huduma ya mama mjamzito na mtoto chini ya miaka mitano ili kupunguza idadi ya vifo ambavyo vimekuwa vikitokea.

Katika uzinduzi wa Kampeni hiyo wananchi na wageni waalikwa waliohudhuria wamechangia zaidi ya sh. Milioni 4 na mifuko ya saruji 50.
 Kaimu Mkurugenzi Manispaa ya Kinondoni Kazi Maduhu, kulia  akimpongeza Diwani Urio kwa kuzindua Kampeni hiyo itakayosaidia kupunguza vifo vya mama na mtoto.

 Diwani wa Viti Maalum Manispaa ya Kinondoni ambaye pia ni Mwenyekiti wa Umoja wa Wanawake  UWT Kinondoni, Florence Masunga, kulia  akitoa ahadi yake ya kuchangia sh. 500,000 ili kuunga mkono juhudi za kampeni hiyo, kushoto ni Diwani Urio.

 
 Mganga Mkuu wa Manispaa ya Kinondoni, Festo Dugange, kulia  akizungumzia juu ya jitihada za Serikali za kukabiliana na vifo vya mama na mtoto na ameahidi kuchangia mifuko ya sumenti 15 kwaajili ya Kampeni hiyo kushoto ni Diwani Urio.

 Diwani Urio, kushoto akiwa kwenye mazungumzo na baadhi ya wageni waalikwa kabla ya uzinduzi wa Kampeni hiyo leo jijini Dar es Salaam, katikati ni  Meja Msaki kutoka chuo cha NDC,na kulia ni Luteni Baraka Myala kutoka Kunduchi Transt  Camp (KTC).

 Diwani Urio, kushoto akiwa na picha ya pamoja na wageni waliohudhuria uzinduzi huo, wa kwanza kulia ni Diwani wa Kata ya Mabwe Pande  Suzan Massawe.


Mwenyekiti wa Serikali ya Mtaa Kilongawima Kata ya Kunduchi,John Rugakila akitoa ahadi ya kuchangia mifuko 10 ya sumenti baada ya kukaribishwa na mwenyeji wake Diwani Urio katika uzinduzi wa Kampeni hiyo leo.

 Diwani Urio akikabishia fedha taslimu sh. 200,000 kutoka kwa Meja Margreth Msaki kutoka Chuo cha Ulinzi cha Taifa (NDS)  kwaajili ya kuchangia juhudi za uzinduzi wa Kampeni hiyo leo, iliyofanyika katika Zahanati ya Mtongani.

 Diwani Urio kushoto  akizungumza na Mwenyekiti wa Joggingi zote Kata ya Kunduchi, Hamisi Yusuph, kulia.

 Diwani wa Kata ya Kunduchi Michael Urio akiwa na Mjumbe wa Kipindupindu Taifa Melone Afrika ambaye alizungumza kwa niaba ya wenzake.

 Wageni waalikwa wakiwa katika picha ya pamoja  leo baada ya uzinduzi wa Kampeni hiyo na Diwani Urio, wa tatu kutoka kushoto, na wa pili kutoka kushoto ni Mganga Mkuu wa Manispaa ya Kinondoni Festo Dugange na kulia kwa Diwani Urio ni Kaimu Mkurugenzi Manispaa ya Kinondoni Kazi Maduhu.

PICHA ZOTE NA MAISHA NI HABARI BLOG

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more