MAJAMBAZI WAVAMIA MGODI NA KUPORA SH. MILIONI 80.


Na Mwandishi Wetu, Iringa

KUNDI la watu wanaosadikika kuwa ni majambazi wamevamia mgodi wa machimbo ya dhahabu wa  Nyakavangala iliyopo kwenye tarafa ya Isimani Wilaya ya Iringa  na kuiba fedha zaidi ya sh.Mil.80.

Aidha watu hao wamefanikiwa kuiba dhahabu zenye uzito wa gramu 490 na simu nne za mkononi za wafanyabiashara  na kujeruhi watu tisa.

 Taarifa hiyo imetolewa jana na Mkuu wa Wilaya ya Iringa, Richard Kasesela, wakati akizungumza na waandishi wa habari ofisini kwake, alisema majeruhi hao wamepelekeka Hospitali ya Rufaa ya Mkoa wa Iringa  kwa ajili ya kupatiwa matibabu.

Kasesela alisema alipokea simu kutoka kwa wananchi waliopo kwenye mgodi huo ambao walimueleza kwamba kuna milio ya bunduki lakini  aliwasiliana na  jeshi la polisi na jeshi hilo lilienda eneo la tukio kwa kuchelewa kutokana na jiografia ya eneo ilivyo na kukuta majambazi hao wametokomea kusikojulikana.

 Alisema  majambazi hao walikuwa na silaha za moto pamoja na silaha za jadi.
 Pia Kasesela aliwataja majeruhi hao ambao ni Mginya Paulo Gadae(38) mkazi wa Morogoro ambaye wamemvunja mkono na migu,  Bakari maarufu kwa jina la mzee (Beka) na kusema kuwa mzee huyu wakati anatoka machimboni alikutana na majambazi hao ambao walimpiga vibaya na hadi sasa yupo kwenye chumba cha uangalizi maalumu cha wagonjwa mahututi na Sungari Shija (24)mkazi wa geita ambaye aliumizwa miguu.
 Majeruhi wengine ni Fadhili Naringa Ramadhani mkazi wa Kingonguila Morogoro,Msulwa Msanga (30) mkazi wa Bariadi , Odrick Michael(33) mkazi wa Iringa Ipogolo, Kitandu Magula (27) mkazi wa tanga,Daniel masonja(40) mkazi wa Simiyu na Eliya Mushi ambaye anatoka mkoa wa Kilimanjaro Moshi.
Kasesela  aliwataka wananchi hasa wanaoenda eneo hilo kuacha kutembea na fedha nyingi na badala yake watumie benki.
 “Eneo hilo halina mitandao ya simu na hata wakiotupigia simu walitumia njia mbadala kwa kutoka nje ya eneo hilo,” alisema Kasesela na kuongeza .
“Watu hao walitokomea kusikojulikana kwani  kule hakuna njia nyinyine ya kutokea na kuingilia na jeshi hadi sasa linaendelea na msako kuhakikisha linawakamata majambazi hao,”
Alisema kuwa kwa sasa waliopo mgodini wameanza na shughuli ya utambuzi na kuongeza kuwa majambazi hao wakati wanavamia na kuumiza walikuwa wanawaambia tuoneshe mtu fulani.
  “Hawa watu walienda kwa tageti kubwa sana kwa sababu wakati wameingia kwenye mgodi huo walikuwa wanawaambia tuoneshe mtu fulani.”alisema Kasesela.


Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more