VIONGOZI WA DINI YA KIISILAMU WAOMBWA KUTOTOA HIFADHI KWENYE NYUMBA ZA IBADA.

Na Mwandishi Wetu, Kilolo.

SERIKALI mkoani Iringa imewaomba   viongozi wa dini ya kiislamu kutowaruhusu watu wasiowafahamu  kuwapa hifadhi kwenye nyumba zao za ibada na badala yake wawape hifadhi watu wanaowafahamu ili kutowapa nafasi wanaoitumia dini hiyo kwa uovu.

Kauli hiyo imetolewa jana na Mkuu  wa Mkoa wa Iringa,  Amina Masenza wakati akizungumza na viongozi mbalimbali wa serikali,madhehebu ya dini kutoka kona zote za mkoa wa Iringa na wananchi wengine ambao walijumuika kwa pamoja kwenye hafla ya chakula cha jioni (futari) kilichoandaliwa na halmashauri ya wilaya ya Kilolo mkoani Iringa.

Masenza  alisema kuna baadhi ya maeneo  kumeibuka tabia ya watu kutumia kigezo cha dini kufanya vitendo viovu ikiwamo utapeli na uasi jambo linalolenga kuchafua dini ya uislamu.

“Niwaombe viongozi wangu wa dini msitumie kipindi hiki cha mfungo kuwaruhusu watu msiowafahamu kulala kwenye nyumba za ibada kwa sababu kuna watu wanatumia mgongo wa misikiti kufanya maovu na kuchafua dini yetu.”alisema Masenza

Katika hatua nyingine mkuu huyo alitumia nafasi hiyo kutoa wito kwa wananchi kuunga mkono serikali ya awamu ya tano kwa kuwa inawaletea maendeleo ya kweli kwenye maeneo yao.

Naye Mkuu wa Wilaya ya Kilolo  Asiah Abdallah na Mkuu wa Wilaya ya Mufindi Jumuhuri Willium walisema  licha ya kuwataka wananchi na waumini wa dini ya Kiislamu kutumia vyema mwezi huo mtukufu wa ramadhani  jamii ijikite katika kuombea kazi nzuri  zinayofanywa na Rais Dk.John Magufuli.


Kwa upande wao shekhe wa Mkoa wa Iringa, Abubakari Chalamila na wa Wilaya ya Kilolo Athuman Mnyambwa walisema  mapambano aliyoyaanza rais yanalenga kutetea rasilimali za taifa pamoja na kuwatetea  wananchi wanyonge.

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more