SITTA ATOA MWEZI MMOJA KWA WAFANYABIASHARA WA BAA NA CLUB.

  Na Enles Mbegalo

MEYA wa Manispaa ya Kinondoni Benjamini Sitta ametoa mwezi mmoja kwa wafanyabiashara wa baa na club kuangalia namna ya ufanyaji wa biashara zao  bila kuleta kero kwa wakazi wa Osyterbay.

Aidha, Sitta alichukua uamuzi huo baada ya malalamiko  ambayo yalitolewa na baadhi ya wananchi wa mtaa huo kwenye mkutano mkuu wa wananchi na wakazi wa eneo hilo uliofanyika jana jijini Dar es Salaam kwenye viwanja vya Josho la Mbwa.

Akizungumza na kujibu kero mbalimbali za mtaa huo Sitta alisema biashara ya baa na Club ni biashara ambazo watu wamewekeza na kutoa ajira kwa  vijana ila inapotokea kero kama hizo ni lazima kukaa chini na kuzungumza juu ya suala hilo.

“Natoa mwezi mmoja Mwenyekiti uwaite  wafanyabiashara na kaa nao na mfanye mazungumzo kabla hatujachukua hatua za kisheri,”alisema Sitta na kuongeza

“Mambo haya ni kushauriana kati ya wananchi, Serikali ya Mtaa na wafanyabiashara wenyewe ili waweze kupokea ushauri huu kwa wakazi wa maeneo yaliyokaribu na baa na Club hizi zinazolalamikiwa,”

Hata hivyo wananchi hao walisema baa hizo na club zimekuwa zikikesha  hadi asubuhi na kusababisha kelele kwenye mitaa yao usiku wa manane.
  
Naye Mrakibu wa Polisi, Manispaa ya Kinondoni Abubakari Kunga, akijibu malalamiko ya wananchi hao  juu ya ulinzi na usalama kwenye mtaa huo, aliwaomba wakazi hao kutoa taarifa kwa polisi pale wanapoona kuna watu wasioeleweka kwenye mtaa huo ili kuchukua hatua za kiusalama zaidi.

“Mtaji wa polisi ni taarifa sahihi kutoka kwa wananchi mnapotupa taarifa sahihi ndio inakuwa rahisi sisi kufanya kazi zetu kwani kuna matukio mbalimbali yakiwamo ya uporaji kwa kutumia magari, pikipiki na bajaji yamekuwa yakitokea kwenye mitaa hii mara kwa mara,”alisema na kuongeza

“Naomba muwe na tahadhari kwa matumizi ya simu na mikoba hasa kwa wanawake kwani kunauporaji wa kutumia gari umekuwa ukitokea maeneo haya,”

Kwa upande wake Mwenyekiti wa Serikali ya Mtaa huo, Zefrin Lubuva alisema mkutano huo ni wa kisheria ambao unawataka kila baada ya miezi mitatu kukaa na kujadili mambo mbalimbali ya mtaa wao na kusikiliza kero za wananchi.

Pia ametoa pongezi kwa wakazi wa eneo hilo kwa kuwa na ushirikiano kwa upande wa mazingira na  imewapelekea mtaa wao kuwa wa kwanza kati ya mitaa 160 na kupokea kombe la Mshindi wa Kwanza wa Usafi wa Mazingira siku Mazingira Duniani ambayo hufanyika kila mwaka June 5.
Mwenyekiti wa Serikali ya Mtaa wa Oysterbay Zefrin Lubuva, kushoto akiwasilisha taarifa ya utekelezaji kazi katika mtaa wake kwa kipindi cha Januari hadi Juni  mwaka huu iliyowasilishwa mbele ya wajumbe wa mkutano mkuu wa wananchi na wakazi wa mtaa huo jana, kulia ni Afisa Mtendaji wa Oysterbay Chema Kalembo na Katikati ni Meya wa Manispaa ya Kinondoni, Benjamini Sitta.

Mrakibu wa Polisi, Manispaa ya Kinondoni Abubakari Kunga,akiwaelezea wananchi jinsi walivyojipanga kuendelea kuimarisha ulinzi na usalama kwenye mtaa huo.
Mrakibu wa Polisi, Manispaa ya Kinondoni 
Abubakari Kunga, akisaini kitabu cha mahudhurio mara tu baada ya kufika eneo la mkutano.
Mwenyekiti Mstaafu wa Tume ya Taifa  Uchaguzi, Jaji Damiani Lubuva  akichangia maoni mbalimbali juu ya kuboresha kwenye mtaa huo ikiwamo kuimarisha ulinzi na usalama.
Wakazi wa mtaa huo wakiendelea kutoa malalamiko ya kero mbalimbali za mtaa huo, ikiwamo kero za baa na club ambazo zimekuwa zikikesha hadi asubuhi na kusababisha kelele kwenye mitaa hiyo na makazi ya watu.
Wakazi wa  mtaa huo wakisikiliza uchangiaji wa mambo mbalimbali ya mtaa wao.
Mmoja wa wakazi wa mtaa huo akielezea jinsi uporaji wa kutumia gari ulivyoibuka kwenye mtaa huo, huku baadhi ya vijana ambao hujificha kwa kisingizio cha kuokota makopo kuingia kwenye nyumba za watu na kuiba.
Mwenyekiti Lubuva akiwa na baadhi ya wakazi wa mtaa wake wakijipongeza kwa mtaa wao kushika nafasi ya kwanza kati ya mitaa 160  na kupokea kombe la Mshindi wa Kwanza wa Usafi wa Mazingira siku Mazingira Duniani ambayo hufanyika kila mwaka June 5.
Baadhi ya wakazi wakiendelea kufuatilia uwasilishaji wa taarifa za mtaa wao jana.
(PICHA ZOTE NA MAISHA NI HABARI BLOG).

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more