MANISPAA YAOMBWA KUSIMAMIA FEDHA ZINAZOTOLEWA KWA WATENDAJI WA MITAA.

 Na Mwandishi Wetu, Dar es Salaam.

MWENYEKITI wa Serikali ya Mtaa wa Sea View, Kata ya Kivukoni, Manispaa ya Ilala, Victor Muneni ameiomba Manispaa hiyo  kusimamia fedha zinazotolewa kwa  watendaji wa Mitaa  kwaajili ya shughuli mbalimbali za mitaa kwani fedha  hizo zimekuwa hazifiki kwenye mitaa hiyo.

Aidha, kitendo hicho kimekuwa kikichangia  migogoro kwenye ofisi za mitaa na kuongeza wimbi la rushwa kwa wananchi wanaohudumiwa katika ofisi hizo kwani watendaji hawanunui vifaa kwaajili ya matumizi ya ofisi.

Akizungumza na mwandishi wa blog hii, Muneni alisema watendaji hao wamekuwa wagumu kutoa fedha hizo, zinazotolewa na  Manispaa kwaajili ya matumizi ya stationary kwa kutotoa fedha hizo zimekuwa zikichochea upokeaji wa rushwa kwa Wenyeviti wa mitaa kwa fedha hizo zimekuwa hazifiki kwao.

Alisema Wenyeviti hawana jinsi ya kupata fedha nyingine kwaajili ya kutolea huduma hiyo ya Stationary ni jukumu la Manispaa.

Aliongeza kuwa Manispaa  husambaza fedha hizo kwenye kata zote kwa matumizi ya kununua stationary za Ofisi za Mitaa yake lakini watendaji hawatekelezi maagizo hayo na fedha hizo Manispaa huzitoa kwa maelekezo na matumizi yake.

Alisema kutokana na fedha hizo  kutofika kwenye ofisi hizo inawawia vigumu kutoa huduma bora  na hiyo inachangia wenyeviti kuwatoza fedha  wananchi wakati wanapohitaji kuhudumiwa katika ofisi hizo.

“Naiomba Manispaa isimamie watendaji wa mitaa kwani wamekuwa moja ya chanzo cha migogoro kwenye ofisi zetu za mitaa kutokana na kutofikisha fedha hizi,”alisema Muneni na kuongeza.

“Fedha nyingine zinazokuja kwenye uhamasishaji kwenye baadhi ya mambo ikiwamo  Afya haziwafikii walengwa na badala yake zinaliwa na wanaokabidhiwa,”
Hata hivyo alilalamikia kitendo cha Maafisa Afya kutotembelea mitaa na kukagua hali ya mazingira kwenye mitaa na badala yake wamekuwa wakitembelea  maeneo ya biashara tu.

“Maafisa Afya hawasimamii shughuri zao kwenye mitaa na wanatokea  baada ya muda mrefu  na wanapotokea kwa kipindi hicho huwapa adhabu  kali kwa kuwapiga faini wananchi badala ya kutoa elimu juu ya afya ya mazingira kwani wananchi wengi hawana uelewa na sheria ndogo ndogo za Manispaa,”alisema

Aliongeza kuwa maafisa hao wanatakiwa kupita kila wakati kwenye mitaa kwaajili ya kukagua mazingira  na kutoa elimu kwa wananchi hivyo wao hawafanyi hivyo.

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ya vikosi vya JKT na hatimaye kuwawezesha vijana wengi wa Tanzania wenye sifa za kujiunga na m
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi
Read more