BARAZA LA MADIWANI LAUTAKA UONGOZI WA WILAYA IRINGA KUTEKETEZA ZANA ZA UVUVI HARAMU.


 Na Mwandishi Wetu. Iringa.

BAADHI ya Madiwani wa Baraza la Madiwani la Halmashauri ya Iringa vijijini, limeutaka uongozi wa Wilaya ya Iringa kuteketeza zana haramu za uvuvi zilizokamatwa kwenye msako wa kukamata zana haramu za uvuvi katika bwawa la Mtera kwakuwa zana hizo zimegeuzwa biashara na baadhi ya watendaji ambao wanaohifadhi zana hizo.

Madiwani hao waliyasema hayo mwishoni mwa wiki kwenye  kikao cha baraza hilo ambapo baadhi ya madiwani wamehoji uhalali wa samaki wadogo kuendelea kuuzwa katika baadhi ya masoko mkoani hapa likiwamo soko kuu la mjini Iringa huku mamlaka zinazohusika zikiendelea kulifumbia macho jambo hilo.

Nao baadhi ya madiwani wa halmashauri hiyo akiwamo Diwani wa Kata ya Migori,  Majaliwa Lyaki alisema kuwa”Kuna watu wanapiga dili na kuna siku moja nilikuwa nashuhudia kati ya wale waliopo kwenye kikosi kazi amesema aliitangaziwa donge nono la sh.300,000 ili kokora lake lipate kuondoka ni kwasababu tu nyavu zimekaa muda mrefu pale,na mara nyingi tumekuwa tukifanya mawasiliano na wataalamu hakuna lolote zaidi ya kusema tu kwamba Mkuu wa Wilaya atakuja kuyachoma na hatujui anakuja kuchoma lini.”alisema Lyaki.

Diwani wa Kata ya Lowa, Charles Nyagawa, alitaka kujua kwa mfano mtu akikamatwa na pembe za ndovu zikisafirishwa kwenda Dar es salaam hawasemi mamlaka tofauti wanamkata sasa leo samaki wadogo wanauzwa sokoni na kutaka kujua hilo suala la samaki ni suala la kitaifa au nisuala la halmashauri?
Kaimu Mkurugenzi wa Halmashauri ya Iringa, Abel Mgimwa, alisema Halmashauri yake itazingatia ushauri wa Baraza la Madiwani kukomesha uuzwaji wa samaki wachanga hasa katika soko kuu la mjini Iringa ili kuhakikisha wavuvi na wafanyabiashara wanapenya na kutorosha samaki hao wachanga wanadhibitiwa hadi sokoni.

“Sisi kama Halmashauri tutawasiliana na mamlaka stahiki za hilo soko mamlaka zote zinazohusika na hilo soko kuwahakikishia kwamba hawatakiwi kuuza hao samaki wadogo pale hivyo ushauri tumeupokea tukishakutana nao tutawaeleza na wao waeleze kuchukua hatua stahiki dhidi ya samaki hao.”alisema Mgimwa.

Halmashauri ya Iringa Vijijini kwa kushirikiana na Kamati ya Ulinzi na Usalama ya Wilaya ya Iringa imekuwa ikiendesha msako wa kukamata zana haramu za uvuvi pamoja na samaki wachanga wanaovuliwa kinyume cha sheria.


 Hata hivyo  zoezi hilo limeonesha kutofanikiwa kwa kiasi kikubwa kutokana na baadhi ya Halmashauri zinasimamia baadhi ya maeneo ya bwawa la Mtera ikiwamo Mpwawa na Chamwino  kushindwa kuendesha zoezi kama hilo .

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more