MAKINDA NIDHAMU YA KAZI NA KUJALI MUDA NDIO KILICHOWAFANYA KOREA KUSINI KUFANIKIWA.

Na Mwandishi Wetu.

SPIKA wa Bunge wa Jamhuri ya Muungo wa Tanzania Mstaafu, Anne Makinda, amesema nidhamu ya kazi na kujali muda ndio kilichowafanya Korea Kusini kufanikiwa kimaendeleo.

Hayo aliyasema jana, wakati akizindua Taasisi isiyokuwa ya Kiserikali ya Chingu Kota Centre inayojishughurisha na kutangaza utamaduni wa Korea nchini Tanzania.

Makinda,  alisema nchi ya Korea Kusini ilikuwa nchi masikini kama sisi kwa kipindi cha miaka ya nyuma ila nchi hiyo kwa sasa ipo juu kwenye masuala ya kiuchumi ukilinganisha na nchi yetu ambayo ina madini na rasilimali nyingi.

“Korea Kusini suala kuchelewa chelewa  kama sisi hawana, wao wanajali sana muda na hakuna kitu mali kama muda, muda ni mali kuliko kitu chochote,”alisema na kuongeza kuwa

“Wanafanya kazi kwa nidhamu hata mwendo wao ni wa nidhamu tofauti na sisi tunatembea muda wote kama tumechoka,”

 Naye, Mwanzilishi na Rais wa Chingu Kota Centre, Andrew Dyson Bukuku alisema taasisi hiyo itakuwa kituo kitakachoshughurikia  vyuo  Vikuu kutoka nje ya Tanzania na ndani ya Tanzania kwaajili ya kuwaelimisha watu utamaduni wa korea.

“Kwa mfano Korea ukikuta bomba limepasuka, wanapiga ngoma watu wote watatoka kwaajili ya kuja kusaidiana kulitengeneza ila kwa sisi hapa ukikuta hivyo utaacha na kusema maji si ya Dawasco hayo,”alisema

Kwa upande wake Project Manager  Nasibu Koko, alisema Chingu Kota Centre iliazishwa kwa lengo la kuwaweka wadau wa maendeleo na tamaduni za Asia na Tanzania.

“Na katika nchi za Asia tumeaza  na  Korea Kusini kwani  uchumi wake ulikuwa sawa sawa na nchi za Afrika lakini leo hii nchi hiyo ni moja kati ya nchi zenye uchumi mkubwa dunia,”

Aidha Mkutano huo wa siku tatu ulihudhuriwa na wanafunzi kutoa  Chuo cha Amity Haryana kilichopo India, Profesa Kumari Mansi na Kunal Anand pamoja na Dokta Sabine Burghart kutoka Chuo cha Vienna.

Picha ya Pamoja na Spika wa Bunge Mstaafu Anne Makinda baada ya kufungua mkutano huo jana jijini Dar es Salaam.



 Rais na  Mwanzilishi wa Taasisi isiyo ya Kiserikali ya Chingu  Kota, Andrew  Bukuku katika picha ya pamoja na wageni wake wa ndani na kutoka Korea Kusini na China.

Spika  Mstaafu, Anne Makinda (wa pili kulia) akimsikiliza Profesa, Geofrey Calimag kutoka Korea akizungumzawakati wa Mkutano wa kujadili utamaduni wa Korea Kusini na nchi zingine za Asia uliowahusisha wanafunzi wa vyuo vikuu Jijini Dar ea Salaam mei 25, 2017, kulia ni Rais na  Mwanzilishi wa Taasisi isiyo ya Kiserikali ya Chingu  Kota, Andrew  Bukuku na kushoto ni Mweka hazina wa Taasisi hiyo, Pamela Bukuku 
 Rais na  Mwanzilishi wa Taasisi isiyo ya Kiserikali ya Chingu  Kota, Andrew  Bukuku (kulia) akizungumza  wakati wa Mkutano wa kujadili utamaduni wa Korea Kusini na nchi zingine za Asia uliowahusisha wanafunzi wa vyuo vikuu Jijini Dar ea Salaam mei 25, 2017. kushoto ni  Profesa, Geofrey Calimag kutoka Korea na Spika  Mstaafu, Anne Makinda.

 (PICHA ZOTE NA KHAMISI MUSSA).

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more