WANANCHI KIJIJI CHA MALIZANGU WAIOMBA SERIKALI KUWABORESHEA MIUNDOMBINU YA SKIMU YA UMWAGILIAJI.


Na Mwandishi Wetu, Iringa

WANANCHI wa Kijiji cha Malizangu Kata ya Mlowa Wilaya ya Iringa wameiomba serikali kuwajengea miundombinu ya skimu za umwagiliaji iliwaweze kuboresha kipato na uhakika wa chakula.

Wakizungumza na mwandishi wa blog hii kwa nyakati tofauti, kijijini hapo walisema kuwa mazao ambayo  walitarajia kuvuna msimu huu yamekauka baada ya mvua kuacha kunyesha.

“kilimo cha kutegemea mvua hakina uhakika tunaoimba serikali itujengee miundombinu ya skimu za umwagiliaji ili tuweze kuboresha kipato na uhakika wa chakula,”alisema

Nae, Marian Kamugishi, alisema kata hiyo mvua zimekuwa za shida,watu wanajuhudi za kulima lakini miundombinu hususani maji ya umwagiliaji hawana hivyo wanalima kilimo cha kubahatisha.

“Kilimo hiki hakina maana,tunadhani mkombozi wetu ni pale tunapopata maji ya umwagiliaji mfano skimu au tukavuna maji ya mvua kupitia mto mlowa na hali ya uchumi imekuwa ngumu kutokana na mvua kutokunyesha,”alisema

Kamugishi alisema kiujumla kijiji hicho kinarasilimali kubwa ambayo ni ardhi lakini mwaka huu kumekuwa na janga la kutokuwa na mvua.

Aliongeza kuwa mvua zimegoma zimeaza kunyesha mwezi wa pili, wananchi wamelima lakini mazao ndio kama hivyo na maji bondeni hakuna na kuishauri serikali iwasaidie kujenga banio mlimani kwa lengo ya kutunza maji kipindi ambacho mvua zimegoma kunyesha.

Kwa upande wake Ofisa Kilimo wa Kata ya Mlowa, Frank Kasumbi, alisema kuna hekta takriban 6,000 zinazofaa kwa kilimo cha umwagiliaji lakini changamoto ni kukosekana kwa rasilimali fedha kwa ajili ya kujenga miundombinu ya kutoa maji ya Mto Ruaha mdogo na kupeleka kwenye mashamba hayo.

“Bonde hili lina ukame na mvua ni za shida kitu ambacho kinapelekea wananchi wetu kukosa chakula na kipato kinazidi kushuka’alisema Kasumbi

Pia alisema changamoto ya mabadiliko ya tabia nchi na ukame umeathiri uzalishaji na uapatiakanji wa chakula kwa wananchi wa kijiji cha Malinzanga kata hiyo.

Mwenyekiti wa Kijiji hicho, Lulamso Kadaga alisema wananchi walishabuni mradi wa kutoa maji kutoka Mto Ruaha mdogo kwaajili ya umwagiliaji lakini mradi umeshindwa kukamilika kutokana na ukosefu wa rasilimali fedha.


Kadaga alisema kuwa “Kiujumla hali ya chakul kwenye kijiji change ni mbaya,kutoakna na mvua kutonyesha kwa wakati na ziliponyesha zilikatika mapema, mazao ya mahindi, alizeti, ufuta, mtama na mazao mengine yameshindwa kuvunwa kwa sababu ya ukame, njia pakee ya kujinusuru ni kuwa na kilimo cha umwagiliaji hasa mfereji.”

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more