CUBA IKO TAYARI KUTUMIA UTAALAMU NA FEDHA, KUONA ZANZIBAR INAFIKIA MAENDELEO.


Balozi Mpya wa Cuba Nchini Tanzania Profesa Lucas Domingo Hernandez  Polledo  Kushoto akisalimiana na Makamu wa Pili wa Rais wa Zanzibar Balozi Seif Ali Iddi alipofika kujitambulisha rasmi hapo Vuga Mjini Zanzibar.

 Makamu wa Pili wa Rais wa Zanzibar Balozi Seif Ali Iddi akimkabidhi zawadi ya Mlango Balozi Mpya wa Cuba Nchini Tanzania Profesa Lucas Domingo mara baada ya kumaliza mazungumzo yao.

Balozi Seif kati kati akiwa katika picha ya pamoja na Mtaalamu wa Benki ya Dunia anayesimamia Kampuni ya MIGA Bwana Yasumitsu Himeno    wa kulia yake baada ya kufanya mazungumzo Ofisini kwake kuhusiana na miradi ya Uwekezaji.




Na Mwandishi wetu, Zanzibar

JAMHURI ya Cuba imesema iko tayari kutumia Utaalamu, Maarifa, Uzoefu na  fedha ili kuona  Zanzibar inafikia maendeleo makubwa ya Wananchi wake  Kiuchumi kama ilivyofikia Nchi hiyo.

Balozi Mpya wa Cuba Nchini Tanzania, Profesa Lucas Domingo Hernandez Polledo, alisema hayo wakati wa mazungumzo yake na Makamu wa Pili wa Rais wa Zanzibar Balozi Seif Ali Iddi, alipofika kujitambulisha rasmi hapo Vuga Mjini Zanzibar.

Profesa  Domingo alisema Cuba haina sababu ya kutoiunga  mkono Zanzibar katika harakati zake za kuimarisha uchumi kutokana na Historia ya muda mrefu iliyopo baina ya Visiwa hivyo.

  “Wananchi wa Jamuhuri ya Cuba tayari wameshaonyesha ukarimu mkubwa kwa wenzao wa Zanzibar na natolea  mfano mafungamano ya Sekta ya Afya yalivyoimarika na kupata mafanikio makubwa hasa kilipoanzishwa  Chuo cha Madaktari kinachosimamiwa na wataalamu wa Nchi hiyo,”alisema na kuongeza

“Wakati umefika kwa Mawaziri wa pande hizi mbili rafiki kukaa pamoja kujadili namna viongozi hawa wanavyoweza kushirikiana katika mambo yanayoonyesha kufanana katika utekelezaji  wa pamoja,”

Alisema vikao hivyo vinaweza kuibua mambo ya msingi ndani ya sekta ambazo kwa kiasi kikubwa zinaweza kusaidia kwenye miradi mbalimbali ikiwamo  Kilimo.

Pia amemuahidi, Makamu wa Pili wa Rais wa Zanzibar kwa kipindi chake cha utumishi wa Kidiplomasia  atazingatia zaidi kuimarisha uhusiano wa Kihistoria wa pande hizo mbili.

Makamu wa Pili wa Rais wa Zanzibar ameendelea kuishukuru Serikali ya Jamuhuri ya Cuba kwa juhudi inazochukuwa za kuiunga mkono Zanzibar katika Sekta ya Afya ambayo tayari imeshazalisha Madaktari wazalendo wasiopungua 50 kupitia Chuo cha Madaktari kinachosimamiwa na Wataalamu wa Nchi hiyo.

Alisema moja ya fanikio kubwa lililopatikana na ubanaji wa matumizi ya Serikali ambayo mwanafunzi Mmoja wa kada ya Udaktari angelazimika kulipitia masomo yake kwa zaidi ya Dola za Kimarekani 17,000 elfu.

Wakati huo huo Makamu wa Pili wa Rais wa Zanzibar Balozi Seif Ali Iddi alikutana kwa mazungumzo na Ujumbe wa Wataalamu wa Benki ya Dunia wanaojishughulisha na kusimamia miradi ya uwekezaji kupitia Kampuni ya MIGA yenye Makao Makuu yake Nchini Japan.

Mazungumzo hayo ambayo  pia yalimjumuisha  Balozi wa Jamuhuri ya Muungano wa Tanzania Nchini Japan Balozi Mathias Chikawe aliyeambatana na Ujumbe huo yalifanyika Ofisini kwake Vuga Mjini Zanzibar.

Bwana Yasumitsu alisema ipo miradi mingi iliyoanzishwa katika Mataifa mbali mbali yenye uwanachama wa Benki ya Dunia ambayo hupata mikopo chini ya Makampuni yanayodhaminiwa na Benki hiyo yanayotozwa gharama za asilimia 50% ya mradi wanaoutekeleza.

Alitoa mifano ya miradi hiyo kuwa ni pamoja Hospitali kubwa zenye uwezo wa kuhudumia wagonjwa katika Mikoa Mikoa na Miji Mikubwa, majengo ya Vyuo Vikuu, Viwanja vya Ndege, miradi ya Ulinzi na hata miuondombinu ya Bara bara.

Naye, Makamu wa Pili wa Rais wa Zanzibar Balozi Seif  ameushauri Uongozi wa Kampuni hiyo ya MIGA kuangalia uwezekano wa kuunga mkono Mpango wa Serikali ya Mapinduzi ya Zanzibar wa kutaka kuziimarisha Hospitali Mbili za Mikoa ya Kukisini na Kaskazini za Kisiwa cha Unguja.





Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more