WENYE VIWANDA IRINGA WAIOMBA SERIKALI KUWAPUNGUZIA TOZO ZA KODI.


Na Mwandishi Wetu, Iringa

BAADHI ya wafanya biashara wenye viwanda mkoani Iringa wameiomba serikali kutazama baadhi ya kodi na tozo mbalimbali wanazotozwa ili kuviwezesha viwanda kuzalisha kwa ufanisi ili kuleta ushindani.

Hayo yamebainishwa na baadhi ya wamiliki wenye viwanda mkoani Iringa wakati mwenge wa uhuru ulipopita kuzindua miradi yao ambapo ukiwa kwenye kiwanda cha nyanya cha dabaga katika halmashauri ya wilaya ya kilolo.

 Mkurugenzi Mtendaji wa kiwanda hicho Petronila Alphonce alimweleza kiongozi wa mbio za mwenge kitaifa Amour Hamad Amour kuwa kutokana na tozo hizo baadhi ya bidhaa imekuwa ni ngumu kushindana sokoni.

 Ukiwa kwenye kiwanda cha kuzalisha nguzo za umeme cha Agora kilichopo katika Halmashauri ya Iringa Vijijini mwenge huo ulizindua kiwanda hicho kinachozalisha nguzo za umeme ambapo akitoa taarifa kwa kiongozi wa mbio za mwenge kitaifa.

Meneja wa kiwanda hicho Edger Edson alisema pamoja na kuzalisha nguzo zenye ubora kiwanda hicho hakina soko la uhakika jambo linalotishia mustakabali wake.

Kwa upande wake kiongozi wa mbio za mwenge kitaifa Amour Hamad Amour alisema ili Tanzania iweze kufikia malengo ya kufikia nchi ya viwanda na uchumi wa kati ifikapo mwaka 2025 ni vema kila mtanzania kuunga mkono adhma hiyo kwa kuanzisha viwanda vya kuongeza thamani ya mazao mbalimbali.

Mwenge huo ukiwa katika Halmashauri ya Manispaa ya Iringa ulitembelea shamba la mifugo la kampuni ya Asas Diary na kuzindua miradi ya maendeleo ikiwamo elimu na barabara.

Akizungumza mwakilishi wa kampuni ya Asas Feisal Abri alisema kuwa kampuni hiyo mbali na kujishughulisha na ufugaji wa ng’ombe ,mbuzi na kondoo pia wanajishughulisha na shughuli nyingine za maendeleo ikiwamo ya utunzaji wa mazingira.

Naye Mhandisi wa Manispaa ya Iringa, Mashaka Luhamba, alizungumzia faida ya miradi hiyo na kusema kuwa lengo ni kupunguza msongamano ya matumizi ya barabara ndani ya manispaa hiyo.

 Hata hivyo kiongozi wa mbio za mwenge Amour Amour aliishauri serikali kuwapunguzia wawekezaji wazalendo tozo ya kodi ili kuwawezesha kushiriki kikamilifu katika kujenga uchumi wa viwanda na kutengeneza ajira kwa vijana.

Aidha ukiwa katika kijiji cha Malinzanga wilaya ya Iringa mwenge huo ulizindua miundombinu ya maji ambao utahudumia wananchi zaidi ya 4,000  huku kiongozi wa mbio hizo akiwaagiza uongozi wa halmashauri hiyo kuwachukulia hatua kali za kisheria wananchi ambao watabainika kuhujumu miundombinu hiyo ikiwamo kulipa faini ya zaidi ya bomba alilokata.

Michael Chalamila ambaye ni ofisa mtendaji wa kijiji cha Malinzanga alisema kuwa mradi wa ujenzi wa kisima hicho kimegharimu Mil.654 ambapo kati ya hizo  wananchi wamechangia Mil.32 na benki ya dunia ilichangia kupitia mradi wa usafi mazingira sh.612 ili kukamilisha mradi huo.



Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more