WANACHAMA WATATU WA MAZOMBE SACCOS WAFUKUZWA UANACHAMA.

 Na Mwandishi Wetu, Ilula

CHAMA   cha ushirika cha akiba na mikopo cha Mazombe Saccos Ltd,kilichopo kwenye mji mdogo wa Ilula wilayani Kilolo mkoani Iringa kimewafukuza wanachama wao watatu akiwamo makamu mwenyekiti wa chama hicho  Ephrem Mgao kutokana na sababu mbalimbali ikiwamo uchochezi.

Aidha,waliosimamishwa  uanachama huo ni Makamu Mwenyekiti wa Chama hicho, Ephrem Mgao kwa sababu ya uchochezi,Ezekiel Mkusa na Rehema Myega ambao wote wawili walikuwa wamepoteza sifa za fungamano la chama.

Uamuzi huo umekuja mwishoni wa wiki kwenye mkutano mkuu wa 15 wa chama  hicho ambapo Mwenyekiti wa chama hicho, Yohana Mwemutsi alisema kuwa walipata taarifa kutoka kwa wanachama wenye nia njema na chama hicho kwamba kuna mtu anatoa taarifa za uchochezi juu ya chama hicho.

“Tulifanya uchunguzi  na tuligundua Mgao ndiye chanzo ,tuliamua kuitisha kikao kikao cha bodi na kumueleza kuwa yeye ndiye chanzo cha uchochezi katika chama na kumueleza sababu za kumsimamisha ujumbe wa bodi.”alisema Mwemutsi.

Mwemutsi alieleza kwenye mkutano huo sababu saba zilizopelekea kumfuta uwanachama Mgao kuwa ni amekuwa akipanga mbinu za uchochezi kwa baadhi ya wanachama kwa ajili ya kuvuruga mkutano mkuu wa mwaka 2016 na kwenda kinyume na maaazimio ya vikao vya bodi.

“Kutoa siri za mijadala ya vikao vya bodi kwa watu wasio husika wakiwamo wanachama na watumishi walioachishwa kazi huku yeye mwenyewe akiwa mshiriki na mpiga kura za kuwatoa watumishi hao kwa kuwa hata kura za kuwatoa zilizopigwa na wajumbe hakuna kura hata moja iliyosema watumishi hao waendelee na kazi,”alisema Mwemutsi

Pia  Kuwagonganisha wajumbe wa bodi,kamati ya usimamizi na watumishi kwa kutoa taarifa zisizo za kweli kwa kamati ya usimamizi kuhusiana na ubadhilifu ambapo aliwaambia mwenyekiti na meneja wamekuwa wakijilipa fedha kinyume na utaratibu kitu ambacho sio kweli.

Alisema Kuituhumu bodi kwa baadhi ya wanachama kwa kusema kuwa bodi hiyo iliwahi shawishika kugawana fedha za uzio wa ujenzi na kwamba yeye ndiye aliyezuia zoezi hilo,kitu ambacho si kweli ila ilikuwa ni mbinu ya ya kuichafua bodi na uongozi ili isiaminike kwa wanachama na hatimaye wanachama wakose imani na bodi ili apate nafasi ya kuchaguliwa kuwa mwenyekiti na hatimaye kuwafukuza baadhi ya watumishi asio wataka yeye akiwamo meneja wa chama.

Aliongeza kuwa sababu nyingine ni kuwa ni vikao vya siri maeneo tofauti tofauti na wanachama akishirikiana na aliyekuwa mlinzi wa Mazombe Saccos ambaye naye aliachishwa kazi kwa ajili ya kuwapanga wanachama kuuliza maswali huku akiwa amechapisha vipeperushi vyenye maswali hayo na kuwapa watu anaowaamini kuwa wana uwezo wa kuuliza maswali kwa lengo la la kuwaaminisha wanachama kuwa bodi waliyonayo haifai pamoja na meneja,watu hao alioshirikiana nao majina wanayo na ushahidi wa kutosha kuthibitisha jambo hilo.

Nyingine ni kuwahamasisha watumishi walioachishwa kazi kutolipa upotevu wa fedha waliosababisha kwa kufanya nao vikao pamoja na kufanya uchochezi kwa kupeleka kwa ofisa ushirika maneno ya uongo kuhusiana na upotevu wa fedha uliosababishwa na aliyekuwa karani wa fedha kwa kumwambia ofisa ushirika kuwa aliyekuwa karani wa fedha anapigwa vita na baadhi ya watumishi wenzake pamoja na wajumbe wa bodi,ambapo ofisa ushirika aliye hama Biezery Malila aliwapatia taarifa hizo kwamba mjumbe mwenzao ni chanzo . 

Hata hivyo Mgao alipewa nafasi ya kujitetea ambapo aliwaeleza wajumbe wa bodi kuwa yeye hahusiki na yote yanayosemwa ni majungu na baada ya kuendelea kumhoji kwa kina alikiri na kusema kuna baadhi ya mambo alihusika na mengine hahusiki ambapo wajumbe walimpa nafasi ya kukanusha baadhi ya amambo aliyoyasema. 

“Inawezekana kuna mahali niliteleza  kwa bahati mbaya hivyo akisamehewa ataenda kuwatuliza wanachama aliyowaeleza na kuchafua hali ya chama.”alisema Mgao.

 Kitendo cha kufanya uchochezi huo ni kinyume na maadili ya viongozi pia ni ukiukwaji wa misingi ya sheria ya vyama vya ushirika no.6 ya mwaka 2013,kanuni za vyama vya ushirika za mwaka 2015 kifungu no.51(M) na masharti ya chama.

Baada ya mwenyekiti kutaja sababu hizo na mtuhumiwa kukana kwa pamoja bodi na wajumbe waliokutana kwenye mkutano mkuu waliamua kumfuta uanachama pamoja wengine wawili ambao walipoteza sifa za fungamano la chama.

 Kwa upande wake Mrajis Msaidizi wa Mkoa wa Iringa John Kiteve alikubaliana na ushauri uliotolewa na wanachama na kuahidi kushirikiana na uongozi waSaccos hiyo kuhakikisha Mgao anavuliwa nyadhifa zake zote.

Akizungumzia lengo la chama hicho Meneja wa Mazombe Saccos Long'ino Ngwada alisema ni kuboresha utendaji kazi wa chama kwa kuwafikia wananchi wengi wa tarafa ya mazombe,kutoa gawio kwa wanachama.

Pia kuendeleza na kuimarisha mahusiano na mashirika,taaisi za kifedha ili kupata mtaji na vitendea kazi ,kutoa riba juu ya amana za wateja na wanachama,kutoa elimu ya vvu na ujasiriamali kwa wananchi ambapo hadi kufikia sasa saccos hiyo ina jumla ya wanachama 1677.


Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more