NEMC YAWATOZA FAINI YA SH. MILIONI 20 WAWEKEZAJI WA KILIMO NA MIFUGO.


Na Mwandishi Wetu, Kilolo
BARAZA  la Taifa la Uhifadhi na Usimamizi wa Mazingira (NEMC), imewatoza faini ya jumla ya sh. milioni 20 wawekezaji wawili wa kilimo na ufugaji Wilayani Kilolo kwa makosa ya kuendesha shughuli zao bila kufanya tathmini ya uharibifu wa mazingira.

Adhabu hiyo imetolewa na mwanasheria wa NEMC, David Kongola baada ya kutembelea mashamba ya wawekezaji hao na kubaini kasoro kubwa za kimazingira na kuhatarisha usalama wa vyanzo vya maji.

Kongola alisema kuwa “Sasa adhabu yao hawa  sisi tunatoza Mil.10 kwa kila mmoja kwa kufanya hii shughuli bila ya kuwa na (IAA) Certificate na hiyo ipo wazi kwamba kifungu no.184 kinasema isizidi Mil.50 na sisi tun asema kwamba Mil.10 na tutawaletea invoice kwa kuendesha biashara yako bila ya kuwa na cheti cha tathimini ya mazingira.”alisema Kongola

Adhabu ya NEMC imeyakumba mashamba ya mifugo ya Tomy Dairies na  la Ndoto yaliyopo kwenye kata ya Ihimbo ambapo mwanasheria wa NEMC alisema sheria lazima zifuatwe kulinda mazingira

Mmiliki wa shamba la Tomy pia alipewa muda wa wiki moja na kikosi kazi cha kuokoa ikolojia ya Mto Ruaha, kung’oa migomba iliyopandwa ndani ya eneo la chanzo cha maji cha Mto Ruaha Mdogo.

Akizungumza Wamoja Ayubu ambaye ni mjumbe wa kikosi kazi alisema kuwa eneo hilo halitakiwi kupandwa mazao hayo bali inatakiwa kupandwa miti ya asili ambayo itaendelea kutunza vyanzo vya maji na hivyo kumtaka kung’oa migomba yote kwa kuhesabu mita 60 kutoka usawa wa mto.

Hata hivyo wamiliki wa mashamba hayo walikiri mapungufu ingawa walisema kuwa hawakupewa mwongozo tangu awali.



“ Tumekiri kuwa na mapungufu hayo na tutajitahidi kuyarekebisha lakini pia sisi hatutaki kufanya jambo nje ya sheria.”Walisema wamiliki hao 
 
Aidha wamiliki hao wametakiwa kuvitunza vyanzo vya maji vilivyopo ndani ya maeneo yao kwa faida ya vizazi vijavyo ambapo  David Mginya ambaye ni mjumbe kikosi kazi alisema kuwa wanatakiwa kujenga miundombinu hiyo kwa lengo la kutunza vyanzo vya maji.

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more