WAJAWAZITO WATAKIWA KUWAHI HOSPITALI WANAPOONA DALILI ZA KUJIFUNGUA.


Na Ramadhani Ali/Maelezo Zanzibar . 
                      
MAMA wajawazito wameshauriwa  wanapoonyesha dalali za kuwa tayari kujifungua wanatakiwa kuwahishwa Hospitali ama vituo vya afya mara moja bila ya kupewa dawa za aina yoyote majumbani kwani ni hatari kwa afya zao.

Mwenyekiti wa Baraza la Wakunga na Wauguzi Zanzibar, Amina Abdulkadir Ali, ameeleza hayo katika mkutano na  waandishi wa  habari ikiwa ni maadhimisho ya siku ya Wakunga Dunia katika Ukumbi wa Wizara ya Afya Mnazimmoja Zanzibar.

Alisema kumuwahisha mzazi katika kituo cha afya mapema kunarahisisha kupata huduma kwa haraka na iwapo anatatizo linalomkabili kujulikana mapema na kupatiwa ufumbuzi katika hatua za awali.

Amina alisema  huduma za mama wajawazito na watoto wachanga zimeimarishwa katika vituo vingi vya afya vijijini na hakuna haja kwa mama wajawazito kulazimisha kujifungulia Hospitali kuu ya Mnazimmoja.

Amewashauri kuvitumia vituo vya afya vilivyokaribu nao na iwapo kutatokea tatizo kubwa ambalo haliwezi kushughulikiwa katika kituo kidogo litapelekwa Hospitali kuu ya Mnazimmoja.

Alisema Baraza la Wauguzi na Wakunga limeandaa mwongozo wa maadili kwa wauguzi na wakunga ambao unatakiwa kufuatwa na wafanyakazi wa kada hizo kwa lengo la kuondoa malalamiko kutoka kwa wananchi.

Amesisitiza umuhimu wa wanaume  kutoa upendo wa karibu kwa wake zao wakati wa ujauzito na wakati wa kujifungua na hivi sasa zimewekwa wodi maalum katika Hospitali ya Mnazimmoja zinazoruhusu wanaume kuwepo wodini wakati wake zao wanapojifungua.

Muuguzi Mkuu Kiongozi wa Wizara ya Afya, Mussa Rashid Musaa, alisema vifo vya mama wajawazito wakati wa kujifungua na watoto wachanga wakati wa kuzaliwa vimepungua kutokana na kuimarishwa kwa huduma muhimu katika wodi za wazazi.

Alisema takwimu zinaonyesha kuwa katika mwaka 2007 kila akinamama laki moja waliofika vituo vya afya kwa ajili ya kujifungua  473 walifariki ambapo mwaka jana akinamama waliofariki wakati wa kujifungua walikuwa 117.

Kwa upande wa watoto wachanga amebainisha kuwa mwaka 2008 watoto waliofariki wakati wa kuzaliwa na mara baada ya kuzaliwa walikuwa 31 kati ya watoto 1000 na mwaka jana walikuwa watoto 15 kati ya watoto 1000.

Hata hivyo amekiri kuwa idadi ya vifo hivyo bado ni kubwa na Serikali inaendelea na juhudi za kuhakikisha vifo vya mama wajawazito na watoto wachanga vinapungua kwa kuimarisha huduma katika wodi hizo.

Kaulimbiu ya maadhimisho ya siku ya Wakunga Duniani mwaka huu ni wakunga, akinamama na familia ni washirika wa kudumu.

Mwenyekiti wa Baraza la Wauguzi na Wakunga Zanzibar , Amina Abdulkadir Ali akizungumza na waandishi wa habari katika Ukumbi wa Wizara ya Afya Mnazimmoja kuelekea  siku ya Wauguzi Duniani Mei tano.

Mwenyekiti wa Jumuiya ya Wauguzi Zanzibar Valeria Rashid Haroub akitoa ufafanuzi wa masuala ya waandishi wa habari kwenye mkutano wa kuelekea maadhimisho ya siku ya wauguzi Duniani. Mkutano uliofanyika Wizara ya Afya Mnazimmoja.
Mwandishi wa habari Sebetuu Amour wa Shirika la Utangazaji Zanzibar (ZBC) akiuliza swali wakati wa mkutano wa Mwenyekiti wa Baraza la Wauguzi Zanzibar kuelekea kilele cha maadhimisho ya siku ya wakunga duniani.
      
        PICHA NA MAKAME MSHENGA- MAELEZO ZANZIBAR.


Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more