ASKOFU MWAMAKULA AIOMBA SERIKALI KUWACHUKULIA HATUA WANAOTUMIA DINI KUWARUBUNI WATU.



Na Enles Mbegalo

ASKOFU  Mkuu wa Dayosisi Kuu ya Dar es Salaam na Mkuu wa Kanisa la Moravian la Uamsho Tanzania (KMUT), Emmaus Mwamakula, amemuomba Rais John Pombe Magufuli, kupitia Taasisi na vyombo vyake kuwachunguza na kuwachukulia hatua watu wote wanaotumia dini katika kuwarubuni watu.

Akizungumza na mwandishi wa blog hii leo, jijini Dar es Salaam, Mwamakula alisema afya za watu zitakuwa salama endapo serikali itazuia uholela katika uendeshaji wa vikundi vya dini kwa kuhakikisha  viongozi wa dini wanakuwa na mafunzo, maadili na historia inayoeleweka.

Askofu Mwamakula alitoa wito kwa watu wanaotapeliwa na watu wanaotumia kivuli cha dini kuanza kujitokeza hadharani kwa kutoa taarifa katika vyombo vya sheria  ili  kuweza kuzuia machafuko katika nchi kwa kutunza afya za watu.

“Ninaiomba serikali yetu kuhakikisha kuwa watu wanaoongoza Taasisi za Dini wawe ni  watu ambao historia zao zinajulikana hasa kuhusiana na wapi watu hao walipata mafunzo yanayohusiana na shughuli zao,”

Alisema ifike mahali jamii ielewe kuwa mambo ya imani yakiachwa yaendeshwe kiholela na watu  ambao hawana mafunzo na uongozi thabiti itakuwa hatari kubwa.

“Nchi  inapokuwa na watu wenye afya nzuri katika mambo haya matatu  uchumi, usalama na ustawi wake unakuwa ni wa uhakika kwani katika miaka ya hivi karibuni jamii yetu imeshuhudia watu ambao historia ya  mafunzo yao hayajulikani lakini wamekuwa wakianzisha Taasisi za Dini huku uendeshaji wake ukiwa mikononi mwa watu binafsi,”alisema Askofu Mwamakula na kuongeza

“ Ustawi wa jamii yeyote ile duniani unategemea sana afya ya kiakili, kimwili na kiroho kwa wanajamii husika na imani potofu zinaweza kuathiri uchumi, usalama na ustawi wa jamii,”

Pia Askofu Mwamakula alitoa mfano wa kuibuka kwa wingi wa vikundi vya dini ambavyo viongozi wao hutoa ahadi za kuwaponya watu watakaotoa fedha vitendo  ambavyo  hupelekea kuwafilisi wahanga.

Comments

Post a Comment

Popular posts from this blog

SERIKALI YAREJESHA KAMBI TANO ZA JKT ZILIZOKUWA ZIMESITISHA MAFUNZO YA JESHI.

Image
  Na Mwandishi Wetu, Mafinga. SERIKALI   imerejesha kambi tano   za JKT  zilizokuwa zimesitishwa mafunzo ya jeshi   hilo ili kuongezea uwezo zaidi wa kuchukua vijana na kuwajengea uwezo wa kuwa hodari,watiifu na waaminifu katika kambi zake. Hayo yalisemwa jana na Mkurugenzi wa Ustawi wa Jamii JKT Taifa   Luten kanal Anchilla Kagombola kwa niaba ya  Mkuu wa Jeshi hilo meja jenarali Michael Isamuyo kwenye  hitimisho la mafunzo ya vijana wa kujitolea (JKT) kikosi 841 KJ mafinga operation.   Kambi zilizorejeshwa ni  kambi 826 KJ Mpwapwa Dodoma, kambi 839 KJ Makuyuni Arusha, kambi ya 845 Itaka Songwe,846 Luha Rukwa na kambi 847 Milundokwa Rukwa na kati ya kambi hizo kambi la Makuyuni Arusha tayari  wa meshaanza kuchukua vijana na wanaendelea na mafunzo. Kagombola alisema  ni Imani ya Mkuu wa JKT kuwa serikali inazidi kutoa mchango wa hali na mali ili kuzidi kuboresha miundombinu ...
Read more

BELENG’ANYI, MBUNIFU MWENYE MALENGO YA KUTENGENEZA MGODI WA KUFUA UMEME.

Image
Peter Akaro BINADAMU anazaliwa na ubunifu au mazingira anayokuliwa yanaweza kumfanya kuwa hivyo. Makala ya leo yatazungumzia maisha ya mbunifu Ntibanga Beleng’anyi ambaye anatengeneza mashine za kukamulia juisi ya miwa na kuunda magari. Pengine vitu hivi si vigeni katika mazingira yetu, ila kilichopelekea makala haya kuandikwa, ni namna Beleng’anyi alivyoweza kutengeneza vitu hivi bila kusomea sehemu yoyote. Ndiyo hakusoma, Baada ya kumaliza Shule ya Msingi Ng’wang’iwita iliyopo Bariadi Shinyanga, mwaka 2005 aliamua kuja Dar es Salaam kwa ajili ya kazi za kibunifu kwa sababu upatinaji wa vifaa ni rahisi, vitu alivyofanikiwa kutengeneza ni kama. Hii ni mashine ya kutengenezea juisi ambayo inatembea umbali wa kilo mita 400. MASHINE YA JUISI. Mashine ya kukamua juisi ya miwa ambayo kaitengeneza yeye ina utofauti katika vitu viwili ukilinganisha ni zile zilizozoeleka, kwanza mtumiaji ana uwezo wa kuitembeza hadi umbali wa meta 400 kutokana ina matairi. Pi...
Read more

WAKULIMA WA ZAO LA VITUNGUU IRINGA WATELEKEZA MASHAMBA.

Image
Na Mwandishi Wetu, Iringa BAADHI ya wakulima wa zao la vitunguu wilayani Iringa wamelazimika kutelekeza na kuacha kuhudumia mashamba yao kutokana na kukosa masoko ya uhakika hali ambayo imewaathiri kiuchumi, kisaikolojia na kuuwa mitaji yao. Wakizungumza na mwandishi wa blog hii, mashambani huko yaliyopo eneo la Kiwere wilayani Iringa wakulima hao ,walisema  pamoja na kuacha kuhudumia mashamba yao bado wanailalamikia serikali kuweka ushuru mkubwa wa kodi ya mazao kwenye mageti pamoja na wanunuzi kutaka wakulima hao wauze mazao yao kwa lumbesa.  Idhaa Ally alisema  kutokana na changamoto hizo wakulima wengi wameathirika kiuchumi na kisaikolojia kutokana na wengi wao kukopa fedha benki kwa ajili ya kilimo. “Sisi tunatumia gharama kubwa kuanzia kuandaa shamba hadi kuvuna lakini changamoto inakuja kwenye soko na ukiangalia wengi wetu wakulima tumechukua mikopo na tunashindwa kurudisha kutokana na mazao kutonunulika.”alisema Ally. Naye,   Chacha Omary...
Read more